ЕУ и САД очекуваат СПАК да биде успешена институција

25

Амбасадорот на делегацијата на Европската унија во Албанија, Луиџи Сореца и американската абасадорка Јури Ким очекуваат успешна работа на Специјалното обвинителство за корупција и организиран криминал (СПАК).

Сореца, по денешната средба со првиот човек на Обвинителството,Арбен Краја, на Твитер напиша дека разговарале за „предизвиците на СПАК,како нова институција“.

„Исто така, разменивме мислења за прераспределување на овластувањата со Државното обвинителство и локалните канцеларии и за спроведувањето на новиот закон за превентивни мерки“, напиша Сореца.

Американската амбасадорка, Јури Ким, на објавата на Твитер, наведува дека САД силно го поддржуваат владеењето на правото во Албанија и дека СПАК треба да биде успешно.

„САД силно го поддржуваат владеењето на правото во Албанија. СПАК треба да успее! “, напиша амбасадорката.

Специјалното обвинителство за корупција и организиран криминал на Албанија официјално почна со работа на 19 декември со давањето заклетва пред шефот на државата,Илир Мета. Брои девет обвинители, а прв човек на институцијата е Арбен Краја,со мандат од три години.

Доколку преземете содржина од оваа страница, во целост сте се согласиле со нејзините Услови за користење.