Трговскиот центар „East Gate“ кој е дел од мултифункционалниот проект „Skopje East Gate“ се очекува првите посетители да ги има во октомври или ноември следната година, за кога е планирано негово отворање. Ова беше соопштено денеска на потпишувањето договор за заокружување на финансиската конструкција.
Трговскиот центар кој се гради на местото на поранешниот Скопски Саем ќе биде најголем во регионот. Најавено е дека ќе ја има најголемата „Зара“ во регионот на површина од 4.700 метри квадратни.
Четириесет проценти од површината во шопинг центарот ќе биде со 20 нови светски брендови, кои досега не се присутни во државата, а ги има во земјите од централна и источна Европа.