Кошаркарите на Партизан се поразени од Баерн Минхен со 78:79 во натпреварот од 26. коло во Евролигата на паркетот на белградска Арена.
Партизан за малку ќе му се реваншираше на Баерн за поразот од првиот дел од сезоната (85:94), но не ја прекина непријатната серија од четири порази и не ги подобри изгледите за плеј-ин или плеј-офот во Евролигата.
Добрата одбрана и вистинските шутеви кога беше потребно, тоа беа факторите кои го решаваа победникот, бидејќи играчите и на двата тима играа во налети, како ќе им дојдеше инспирација. И како кому, бидејќи во различни периоди од мечот, на едната страна се истакнуваа Кевин Пантер, Франк Камински, а на другата Силван Франциско, Серж Ибака и Карсен Едвардс.
Се чинеше дека Партизан ќе може да ја заврши работата и да го реши прашањето на победникот, бидејќи во третата четвртина имаше плус 10, но тоа не го направи ниту во последните сто секунди со двата добри удари на ПиЏеј Даужер кога „црно-белите“ дојдоа до предноста од 76:72.
Силван Франциско упорно одбиваше да го прифати поразот, истото го направи и Серж Ибака, па двајцата на крајот беа главните две причини поради кои мечот не беше завршен порано и што, на крајот, му ја донесоа победата на Баерн. Франциско на линијата за „тројка“ остана во „мисмеч“ со Камински, се крена на шут и погоди за 79:78. На Партизан му остана малку повеќе од една секунда, Кевин Пантер имаше време да шутира за „тројка“, топката се поигра на обрачот а Бруно Кабокло ја дофати веднаш штом таа се одби од обрачот, па шансата да му ја врати топката за нов обидне успеа.
Најефикасен кај победниците беше Франциско со 20 поени (4/7 за три), Серж Ибака имаше 14 поени, Карсен Едвардс 12 и Данко Бранковиќ 11. Кај Партизан Пантер застана на 22 поени, Камински имаше 14, а Џејмс Нанели и ПиЏеј Доужер впишаа по десет. Ова е петти последователен пораз за Партизан во сите натпреварувања.
Црно-белите сега имаат 12 победи и 14 порази, а Баерн е на 11 победи и 15 порази.
Четврток:
Анадолу Ефес – Макаби Тел Авив 105:91
Басконија – Асвел 94:80
Олимпија Милано – Реал Мадрид 81:76
Партизан – Баерн Минхен 78:79
Валенсија – Олимпијакос 65:78
Петок:
20.00 Црвена ѕзвезда – Жалгирис
20.15 Панатинаикос – Фенербахче
20.30 Виртус Болоња – Монако
20.30 Барселона – Алба
