Европски суд за човекови права пресуди: Задолжителната вакцинација е легална

Европскиот суд за човекови права денес донесе пресуда во која се наведува дека задолжителната вакцинација е легална и дека можеби е потребна во демократските општества.

– Во Чешка постои општа законска обврска да се вакцинираат деца против девет познати болести. Родителите кои не ја почитуваат оваа обврска, без добра причина, може да бидат казнети со парична казна, а децата кои не биле вакцинирани не се примени во градинките – се вели во пресудата.

Пресудата беше донесена по жалбата на неколку чешки семејства до судот поради задолжителната вакцинација на деца.

Иако пресудата не се однесува директно на вакцините против вирусот ковид-19, експертите сметаат дека тоа може да има импликации врз таа вакцинација, особено кај луѓето кои досега одбиваа да примат вакцина.

Доколку преземете содржина од оваа страница, во целост сте се согласиле со нејзините Услови за користење.