Секој ден Македонија се повеќе се искачува на врвот на земји во светот по смртност од ковид вирусот на милион жители, поради неспособноста на Заев, Филипче и Стојанче, ова денеска преку соопштение до јавноста го истакнуваат од ВМРО-ДПМНЕ.
-Патем слушаме дека цела фамилија на Зоран Заев била заразена, а не слушнавме ниту еднаш дека поради контакти со нив Заев бил во изолација или карантин. Тоа отвора сомнеж дека тој не ги почитува протоколите и евентуално загрозувал нечие здравје или животи. Ете затоа Македонија е жариште во Европа и светот, бидејќи власта не само што не помага, туку е и лош пример во справувањето со епидемијата. Само во последното деноноќие Македонија бележи нов црн биланс со 1.161 нови заразени и за жал 26 нови починати. Вкупниот број на заразени се искачи на 72.044 лица и 2077 вкупно починати. Со овие бројки Македонија е црн рекордер во Европа и регионот, велат од партијата.
Додаваат дека само овие 100 и кусур дена влада на Заев има речиси 1500 починати што е катастрофа. Заев, Филипче и Стојанче убедуваат дека се е под контрола, дека пикот поминал, дека нема потреба од нови мерки, а во реалноста секој ден илјадници заболуваат, а десетици умираат поради вирусот.
-Затоа најдобра мерка за заштита на граѓаните ќе биде оставката на власта на чело со Заев, стои во партиското соопштение на ВМРО-ДПМНЕ.
