По порастот на криминалот со криптовалутите и нападите со откуп, американското Федерално истражно биро (ФБИ) ги откри своите планови да формира нова единица.
Единицата ќе биде посветена на сопирање на сајбер криминалците кои ги злоупотребуваат дигиталните валути и новите технологии.
На годинешната Минхенска конференција за сајбер безбедност, заменичката државен обвинител во САД Лиза Монако најави формирање на единицата за користење виртуелен имот (Ваксу). Монако тврди дека со тоа ќе се спречат измамите и заканите со кои се злоупотребуваат иновациите.
Ваксу ќе има експерти за криптовалути, за анализа на блокчејн и заплена на виртуелниот имот под еден покрив за да спроведуваат истраги и да ги обучуваат агентите на ФБИ како да се носат со растечките закани.
Единицата Ваксу ќе биде дел од одделот на министерството за правда. Минатата година беше формиран и тим за спроведување закони поврзани со криптовалутите (НЦЕТ).
Кенет Полит, помошникот државен обвинител од одделот за кривични дела на министерството за правда на САД даде понатамошен увид во соопштение за јавноста зошто е формиран НЦЕТ.
„Со забрзаниот развој на дигиталниот имот и технологијата, забележавме пораст на овие иновации од страна на сајбер криминалците. Тие незаконски спроведуваат и поттикнуваат сајбер напади, рансомвери и шеми на изнуда. НЦЕТ ќе служи како централна точка за напорите на одделот да се справи со растечкиот криминал кој ги вклучува овие технологии“, кажа Полит.
