Американската Администрација за храна и лекови (ФДА) е подготвена утре да ги одобри таблетите за третман на ковид-19 на „Фајзер“ и „Мерк“.
Овие два лека, особено тој на „Фајзер“, „Пакловид“, се сметаат за ветувачки нови орални третмани кои можат да се даваат на пациенти кои не се хоспитализирани, пренесува Ројтерс.
Претходно овој месец, „Фајзер“ објави дека нејзините антивирусни пилули за третман на ковид-19 покажале ефикасност од речиси 90 проценти во спречувањето на хоспитализација и смртни случаи кај пациенти со висок ризик.
Клиничките испитувања кај лица со висок ризик покажаа дека пилулата Мерк Молнупиравир го намалува ризикот од хоспитализација и смрт кај пациентите со средно ниво за околу 30 проценти.
