Еден од најдобрите тенисери на сите времиња, Роџер Федерер зборуваше за своите цели за тековната тенис сезона.
На првиот Гренд-слем за годината, Швајцарецот стигна до осминафиналето, каде беше елиминиран од грчкиот тенисер Стефанос Циципас во четири сета.
Федерер истакна дека добро играл во Австралија, но дека очекува уште подобри игри и титули во сезоната.
– Мојата цел е да освојам турнир во најкраток можен рок, се надевам во Дубаи или Индијан Велс. Се чувствувам добро и јас играв добро на „Хопман купот“ и на Австралија опен. Следната титула ќе биде под бр.100 во кариера, и ќе биде резултат на добри игри. Сепак, јас би сакал да гоосвојам „Вимблдон“ и „Ју Ес Опен“, исто така, откри Федерер.
Следниот турнир на Федерер е во Дубаи, кој почнува на 25 февруари, додека потоа ќе се пресели на американска почва и ќе се натпреварува на „Мастерс“ турнирот во Индијан Велс, кој започнува на 7 март.