Турскиот кошаркарски клуб Дарушафака, шпански Билбао и литвански Ритас Вилнус потпишаа договор и ќе играат во Лигата на шампионите на ФИБА следната сезона.
Според информацијата на специјализираните портали за кошарка, ФИБА ги поканила и Цедевита Олимпија, Партизан и Будуќност во ова натпреварување.
Дарушафака, Билбао и Ритас Вилнус минатата сезона играа во Евролигата и Еврокупот.
„Нивното пристигнување јасно зборува за развојот на нашата конкуренција. Во исто време, ние сме среќни што сè повеќе клубови ширум Европа сакаат да ја видат својата иднина во нашето натпреварување“, изјави Патрик Комнинос, извршен директор на ФИБА Лигата на шампионите.
