Филипче: Сакаме да направиме модерен клинички центар за следните 60 до 70 години

34

Сакаме да направиме модерен клинички центар кој ќе служи најмалку во следните 60 – 70 години. Во моментов сме фокусирани на тоа, но и на продолжување на реформите и зголемување на платите на здравстените работници, рече ресорниот министер Венко Филипче во вечерашното гостување на Отвореното студио на МРТ.

„Сѐ што направивме во изминатите две години беше во консултација со здруженијата на пациенти и експерите. Целта беше да се излезе во пресрет на барањата на граѓаните, а не да се наметнуваат решенија. Продолжуваме да го јакнеме нашиот здравствен систем. Сметам дека ги поставивме работите на вистинскит колосек“, подвлече Филипче во дебатата на која се присутни и премиерот Зоран Заев, како и министрите за труд и социјална политика и за информатичко општество и администрација, Мила Царовска и Дамјан Манчевски.

Премиерот Зоран Заев се осврна на опремата во здравството со забелешка дека нејзиното набавување во изминатите години не било согласно потребите и едукацијата и квалификацијата на перосналот. Тоа, напомена, веќе нема да се повтори. Тој апелира до јавните установи проектите да ги реализираат со јавно-приватно партнерство, за државата да нема енормни трошоци.

Доколку преземете содржина од оваа страница, во целост сте се согласиле со нејзините Услови за користење.