Со седницата на која Филипче демонстрира моќ врз опозициските пратенички претседаваше д-р Зибери, без маска. Филипче премолча.
Дека владата на СДСМ и министерот за здравство Венко Филипче ја губат битката со справување на државата со КОВИД пандемијата покажува и денешното однесување на Филипче, кога во дискусија на денешната собраниска седница за измена на законот за Заштита на населението од заразни болести, на пратеничката Олга Лозановска од опозициската ВМРО-ДПМНЕ видно нервозен на висок тон ѝ реплицираше употребувајќи недолични зборови и доза ароганција што предизвика револт кај пратениците на ВМРО-ДПМНЕ и Коалицијата за Обнова на Македонија.
Лозановска посочи дека се зголемува бројот на заразени здравствени работници во Битола од КОВИД 19, а како причина за тоа е немањето на соодветна заштитна здравствена опрема, на што Филипче ѝ возврати дека пратеничката се освестила дека во нешто треба да се инвестира.
-Еве пратеничката се освестила дека требало нешто да се инвестира. Претпоставувам за болницата во Битола разговарате, ако е тоа забелешката само да појасните или за некоја друга институција конкретно. Знаете дека хаосот потекнува од 60 милиони долг што ги оставивте и ако сакавте у дограма да инвестирате немаше да правите Скопје 2014, ќе ја направивте дограмата, ќе ја направевте болницата од милијарда евра. Срамота е ова што го зборите, сега јас не знам како искачате овде и зборите, мене не ми е јасно со кое лице, вие за здравствени работници зборите, за што зборувате? Колку беа платите, кај се докторите? Во Германија зашто ги избркавте, како не ви е срам не ми е јасно. Со кој образ, изјави Филипче со висок тон.
Филипче беше нервозен и при обраќањето на пратеничката од ВМРО-ДПМНЕ Дафина Стојаноска. Филипче ѝ забележа на Стојаноска дека при говорот гласот ѝ треперел, па не е сигурен дали е способна да направи добра проценка при таква емотивна состојба.
-Пратеничке, за проценката на емотивната состојба со треперлив глас се надевам дека може да направите добра проценка, дозволите да одговорам на дел од забелешките. Изолацијата се однесува како што кажав на луѓето кои што го чекаат резултатот од тестот, затоа што ако тој е позитивен тогаш има постапка која што секако е утврдена со епидемиолозите, центарот за јавно здравје, институтот за јавно здравје и државниот санитарен инспекторат. Значи вие како медицинско лице треба тоа да го знаете, не знам зошто имате таков пропуст во познавањето на тој дел од системот.
Со седницата на која Филипче демонстрира моќ врз опозициските пратенички претседаваше д-р Зибери, без маска. Филипче премолча.
