Министерот Венко Филипче најави дека во периодот што следи ќе биде даден приоритет на вакцинирање на возрасните групи и хронично болните, а сосема мал дел од капацитетите ќе биде наменет за вакцинирање на критичната инфраструктура.
– Во однос на хронично болните се прават контакти. Се подготвуваат списоци. Врвен приоритет се лицата со трансплантации и оние кои одат на дијализа. Очекувам таа постапка да заврши викендов. Останатите ќе одат по систем на пријавување – рече министерот Филипче.
Лицата со други хронични болести треба да се пријават на вакцинација.мк и да чекаат термин согласно возрасните групи.
Тој денес веќе извести дека термини за вакцинирање добиле сите министри оти Владата одлучила да се вакцинира веднаш по вакцинирањето на Собранието.
