Филипче најави разгледување олабавување на рестрикциите и одржување на изборите

Здравствените власти во петок, врз основа на анализите и статистиките за ситуацијата со коронавирусот, ќе разговараат дали и кога е можно одржување избори, како и дали има простор за олабавување на мерките за заштита од следната седмица, најавува министерот за здравство Венко Филипче.

Во изјава за Канал 5, тој вели дека е сѐ уште рано да се каже кога може да се одржат изборите, ама најавува дека утре ќе се разговара дали има услови за одржување избори, како и за евентуално намалување или укинување на полицискиот час.

Министерот рече дека се намалува бројот на пациенти со симптоми на коронавирус, што е причина за намалување на бројот на тестирања. Сепак, од следната седмица најавува тестирања на можни асимптоматски носители на вирусот

Доколку преземете содржина од оваа страница, во целост сте се согласиле со нејзините Услови за користење.