Филипче разговарал со амбасадорот на Русија за руската вакцина за Ковид-19

Се уште сме далеку од тоа да одлучиме која вакцина ќе се користи кај нас со оглед на тоа што, според нашите сознанија, ниту една не е во фаза во која целосно се завршени клиничките студии, изјави денеска министерот за здравство Венко Филипче.

На прес-конференцијата во Владата, одговарајќи на новинарско прашање, Филипче рече дека се следи развојот на сите вакцини.

– Имавме комуникација со рускиот амбасадор на кој му упативме дополнителни прашања за кои немавме увид. Одговори се уште не сме добиле. Во меѓувреме, го следиме и развојот на вакцините на близу 10 компании кои се во најнаредните фази на клиничко истражување, рече Филипче

Доколку преземете содржина од оваа страница, во целост сте се согласиле со нејзините Услови за користење.