Филипче: Шестмина ново заболени од корона вирус, вкупно 18

Министерот за здравство Венко Филипче вечерва на прес – конференција информира дека денеска биле тестирани 12 лица од коронавирс, од кои шестмина се позитивни. Пет лица се од Дебар, а една пациентка пристигнала од Шпанија.

Во нашата земја, како што додаде, сега има вкупно 18 пациенти дијагностицирани со оваа болест.

-Петте новозаболени пациенти се во болницата во Дебар и таму ќе се лекуваат. Таму има кадар, епидемиолог и двајца инфектолози кои што може да ги лекува овие пациенти, рече Филипче, и додаде дека сите се со лесна клиничка слика, налик настинка.

-Тестирани се 12 лица, а од нив позитивни се шест. Една пациентка стигнала од Барселона. Била со покачена температура па затоа патувала со маска и заштитни ракавици и сама се пријавила на аеродром, истакна Филипче.

Тој додаде дека патничката била од Скопје, а останатите 51 патник од авионот се во домашна самоизолација.

Министерот Филипче информираше дека Владата формирала Кризен штаб со кој ќе раководи техничкиот премиер, Оливер Спасовски, а ќе го сочинуваат министерот за здравство, за одбрана, за внатрешни работи, за транспорт и врски, за финансии, за образование и наука, надворешни работи, директорот на Центарот за управување со кризи и директорот на Дирекцијата за заштита и спасување.

Кризниот штаб ќе се состанува на дневна основа претпладне во просториите на Вкадата, веднаш по состанокот на Комисијата за заразни болести во Министерството за здравство.

 

че.

Доколку преземете содржина од оваа страница, во целост сте се согласиле со нејзините Услови за користење.