ФК Вардар ќе гради свој тренинг центар по европски стандарди

551

Раководството на фудбалскиот клуб Вардар, по пример на големите светски фудбалски клубови, ќе гради свој тренинг центар. Новиот тренинг центар на Вардар ќе содржи 3 фудбалски терени, од кои два терена ќе бидат со природна трева, а еден терен ќе биде со вештачка трева.

01

На просторот на тренинг центарот на ФК Вардар, покрај спортските објекти ќе се наоѓа и административниот дел на клубот, сала за состаноци, и прес центарот на клубот.

05

“Постулатите на овој проект беа поставени при самото потпишување на купо-продажниот договор со град Скопје, тренинг центарот е дел од развојната програма на Ф.К. Вардар и има за цел на долг рок да обезбеди активен прогрес во делот на тренажниот и натпреварувачкиот процес. Ф.К. Вардар во својата историја на постоење до сега немал свои репрезентативни простории и за нас раководството на клубот, покрај правењето на тим кој ќе се бори за двојната круна во македоснкото фудбалско првенство, една од главните приорите ни беше и изградбата на овој тренинг центар, кој покрај спортскиот дел, ќе има и административен дел, каде ќе се наоѓаат канцелариите на клубот. Овој тренинг центар ќе се гради по сите европски и светски стандарди, и ќе ги задоволи сите потреби на фудбалерите, како од првиот тим, така и на фудбалерите од сите младински категории. Тренинг центарот на Вардар ќе содржи 3 фудбалски игралишта, од кои две со природна трева, и едно со вештачка трева. Фудбалската академија на клубот Вардар, која отсекогаш претставувала извор на врвни фудбалери, сега ќе има шанса да работи во максимално професионални услови, и да допринесе уште повеќе за македонскиот фудбал”, изјави извршниот директор на Вардар, Самоил Симев.

07

Во склоп на тренинг центарот на Вардар, ќе има и фудбалска академија со сместувачки капацитети од 14 двокреветни соби, 3 апартмани, внатрешен и надворешен ресторан, како и паркинг според сите стандарди и прописи.

09

Инвестицијата за овој проект ќе чини приближно 1 милион евра, а на конкурсот за идејно решеие беше одбрана компанијата Торус Инжињеринг, а локацијата за изградбата ќе се утврди дополнително, поради анализа и естимација со три општини во Скопје.

Промоцијата ќе биде најдоцна до 15-ти октомври, а врз основа на целиот динамички процес согласно со законските регулативи, тренинг центарот ќе биде готов до крајот на првиот квартал во 2015-та година.

Доколку преземете содржина од оваа страница, во целост сте се согласиле со нејзините Услови за користење.