„Фолксваген“ повторно да одложува одлуката за отворање фабрика во Турција

32

Германскиот автомобилски гигант „Фолксваген“ повторно ја одложи одлуката за изградба на нов производен погон во Турција.

-Имаме уште време и можеме тоа сигурно да го спроведеме до средината на годината, изјави неименуван извор за британските медиуми.

Изворот запознат со одлуките во комапнијата вели дека Надзорниот одбор нема обврска да донесе одлука до крајот на февруари.

Уште во декември, пренесуваат германските медиуми, од „Фолксваген“ беше кажано дека одлуката ќе биде донесена во февруари.

„Фолксваген“, заради турската воена офанзива во Сирија, минатата есен ја замрзна одлуката за инвестицијата тешка повеќе од милијарда евра во оваа земја.

Планот е во градот Маниса, во непосредна близина на Измир, да се изгради погон со годишен капацитет на производство од 300.000 автомобили, во вредност од милијарда долари и 4.000 вработени. Предвидено беше до крајот на оваа година да се почне со изградбата, а производството на автомобилите беше планирано за 2022 година.

И покрај одложувањето на одлуката, концернот истакнува дека не бара алтернтивна дестинација. Србија, Бугарија и Романија изразија интерес да ја добијат оваа голема инвестиција, но „Фолксваген“ се одлучи за Турција.

Доколку преземете содржина од оваа страница, во целост сте се согласиле со нејзините Услови за користење.