Пред четири дена министерката за образование и наука Мила Царовска и премиерот Зоран Заев ја промовираа Националната платформа за онлајн учење и на прес-конференцијата истакнаа дека истата „ја креирале“ со домашни ресурси и експерти. Дека не станува збор за ново креирана платформа за учење може да се види ако се спореди постоечката платформа за учење Мудл креирана во 2001 година од професорот Мартин Дагиамас.
Имено платформата Мудл (Moodle), е платформа за учење дизајнирана да им обезбеди на наставниците, администраторите и учениците единствен робусен, безбеден и интегриран систем за создавање персонализирани средини за учење.
На веб-страницата на платформата стои дека софтверот врз којшто се базира оваа програма може бесплатно да се преземе, како и тоа дека е отворен систем кој се користи за мешано учење, за далечинско образование и други проекти за е-учење во училиштата, универзитетите и др.
НИТУ Е НАЦИОНАЛНА, НИТУ Е НОВА ПАЛТФОРМАТА
Оттука Царовска нема направено нова Национална платформа за учење, значи ниту „национална“, ниту, пак „нова“ платформа за учење, туку само копи-паст преземена готов
Може да се увиди, исто така, дека за потребите од видео-конференција на самата платформа за учење се користи Мајкрософт тимс, што значи исто така готова технологија од Мајкрософт корпорацијата која е постојана платформа за соработка базирана за разговор,состаноци и споделување на документи преку интернет. Во принцип за истово никој ништо не направил во министерството, туку искористил веќе готова технологија.
Од пробниот училишен час кој го презентираше на прес конференцијата министерката Царовска, можеше да се увиди дека самата апликација која се користи сеуште не е ни преведена до крај, па имињата на некои од учениците беа сеуште на латиница. Дека часот беше фингиран може да се забележи по тоа што сите оние кои учествуваа во истиот споделувањето го правеа толку лесно како секој ден да работат со тоа.
БРЗА ОБУКА
Деновиве во тек е обука за наставниците кои за три дена треба да научат како да ја работат преземената платформа, иако таа не е ни најмалку лесна за користење, затоа што материјалите кои треба да се доставуваат и одредени делови од платформата треба со време да се научат, а за тоа се нема доволно време, затоа што тек следи обука на сите останати наставници кои треба да учат од нив, се дел од нивните коментари.
Проблеми има многу, се повеќе родители во јавноста се жалат и се обраќаат до министерката Царовска дека нивните деца немаат соодветни компјутери со карактеристики кои оваа програма за учење ги бара, а тие не можат да си дозволат да набават нови компјутери за своите деца. Проблем е исто така и нивното седење дома доколку се одлучи да се следи наставата онлајн, затоа што родителите се на работа, а децата би биле оставени сами да учат онлајн.
