Истражете ги пештерите. Прошетајте по тврдините од 6-ти век. Уживајте во свежа риба. Задоволствата од недоволно истражената Македонија. Вака започнува текстот посветен на убавините на Македонија објавен во престижниот весник во САД „Лос Анџелес Тајмс“.
Македонија, копнената балканска земја, која се наоѓа помеѓу Бугарија, Србија, Грција, Албанија и Косово, е едно од најубавите изненадувања на Европа, се вели во текстот што се најде и во печатеното, но и во електронското издание на весникот.
Беше дел од Југославија до независноста во 1991 година, тоа е местото каде се мешале цивилизациите на раскрсни цата помеѓу Истокот и Западот. Со многу планини и спектакуларни реки, врвови и национални паркови, а исто така е богата со културни остатоци од долгата, турбулентна историја од инвазиите и окупациите од страна на Персијците, Римјаните и Отоманите, додава весникот.
По воведот во кој накратко се дава увид во историјата на земјата, статијата се свртува кон поголем број туристички места, како Националниот парк Маврово, Скопје, Матка, Охрид…
Покрај ова „Лос Анџелес Тајмс“ објави и 18 фотографии во боја со убавините на Македонија, а на насловната се најде фотографијата од црквата Св.Јован Канео од Охрид.
