Првиот современ патнички воз пристигна на шините на Железничката станица- Скопје.
Според планираното Македонија ќе добие шест воза од Кина, а ќе бидат во владение на „Македонски железници- Транспорт“. Возовите ќе бидат со вкупен капацитет од околу 1.200 патници, при што секој ќе собира по околу 200 патници.
Новите современи возови ќе ги исполнуваат највисоките европски стандарди за превоз на патници, како во поглед на техничките карактеристики, така и во поглед на задоволување на стандардите за квалитетен превоз на патниците.
По пристигнувањето на сите возови и реконструкцијата на повеќе железнички станици, вклучувајќи ја и таа во Скопје, Република Македонија конечно ќе може да се вброи во земјите со најдобра железничка инфраструктура не само во регионот туку и пошироко.
ФОТО: МИА
