Магазин

Издржливост на човечкиот организам (ФОТО) Од желудник на пензионерка отстранети над 150 метални предмети

(ФОТО) Од желудник на пензионерка отстранети над 150 метални предмети

Во рускиот регион Бурјатија хирурзите отстраниле од желудникот на 74-годишна пензионерка повеќе од 150 металени предмети, како навртки, завртки, клинци, делови од арматура, па дури и синџирче.

Предметите ги открил лекар кој извршил гастроскопија, објавено е на сајтот на Републичката клиничка болница Семашко.

„Во текот на ендоскопски преглед беше откриено дека грлото и хранопроводникот се во соврешена состојба, па лекарите минале подлабоко на преглед на желудникот, од каде што добиле изненадувачка и сосема неочекувана слика“, се наведува во соопштението.

Со помош на ендсокопот биле остранети четири клинци, а потоа била побарана помош од хирурзи. При прегледот на рентген снимката лекарите забележале „голем надворешен предмет“, кој би можел да го продупчи желудникот.

Жената била опериана и од неа остранети металните предмети. Притоа е утврдено дека ѕидовите на желудникот не биле повредени и пациентката воопшто не била загрозена.

Информации за тоа како овие остри метални предмети доспеале во желудникот на пациентката, не се објавени засега. Таа е префрлена на одделот за постоперативна интензивна нега.

Според локалниот портал Блокнот, пациентката претходно имала претрпено мозочен удар и не може да каже ништо за тоа што се случувало. Според нејзини роднини, жената страдала од ментално растројство.