Том Хенкс и Рита Вилсон официјално станаа грчки државјани, а на фотографијата на социјалните мрежи објавена од грчкиот премиер е прикажана позната холивудска двојка како гордо ги држи своите нови пасоши.
Двојката и нивните деца станаа почесни грчки државјани минатата година, откако официјалните претставници ја истакнаа улогата на Хенкс во подигнување на свеста за пожарите во 2018 година, кои уништија области околу Атина и однесоа повеќе од 100 животи.
Сега грчкиот претседател ја потпиша нивната почесна натурализација и тие добија грчки пасоши.
„Том Хенкс е личност која покажала вистински интерес кај луѓето кои страдале од пожарот и зборувала за тоа на глобално ниво во медиумите“, рече грчкиот министер за внатрешни работи Такис Теодорикакос за Си-Ен-Ен во декември.
https://www.instagram.com/p/CDGDHiODHhN/?utm_source=ig_embed
Вилсон, кој е полугркиња, и Хенкс, кој заради сопругата премина во православна вера, често ги поминуваат своите одмори во Грција, каде што имаат имот на островот Антипарос.
Тие, исто така, изработија неколку филмови што имаат врска со Грција, а еден од нив е „Мојата голема дебела православна свадба“.
„Грција е рај … Јас сум бил низ целиот свет, јас сум бил на најубавите места во светот, ниту еден од нив не ја надминува Грција“, рече Хенкс на годинашните „Златни глобуси“.
„Земјата, небото, водата, тоа е за душата, тоа е лековито место“, додаде тој.
