Тешка сообраќајна несреќа во четвртокот се одиграла во скопски Аеродром, во којашто животот го загубило едно лице, а според информации на Пресс24 загинал мотоциклис на возраст од околу 25 години.
Според сознанијата на порталот, младиот маж излегол од локал, а потоа се судрил со автомобил на раскрсницата кај супермаркетот „Веро“ во Аеродром.
Момчето починало на лице место, а телото било подигнато од екипа на Брзата помош.
Увидот сѐ уште трае, но според полициски извори на Прес24, несреќата се случила поради непочитување на сигнализацијата, односно мотоциклот наводно минал на црвено.
