Изборни нерегуларности и прекршувања го одбележаа и вчерашниот ден. На предизборниот молк, гласаа затвореници, стари и изнемоштени лица.
На 28.10.2017 година во 12:17 часот во Полициска станица Кисела Вода се јавил претседателот на Општинската изборна комисија Кисела Вода и пријавил дека истиот ден околу 11:00 часот на улица „Јабланица“ кај лице кое е старо и изнемоштено и затоа гласало во својот дом во присуство на Избирачка комисија во состав од претседател и тројца членови, откако лицето гласало, еден член на комисијата го сликал неговото гласачко ливче, информираат од МВР.
