Галерија „Остен“: Изложба „Време е за чај“ и музички перформанс на Рено Рулман

37

Во галеријата Остен, утревечер (3 септември), со почеток од 20:20 часот самостојна изложба на графики – цијанотипии „Време е за чај” и музички перформанс ќе има францускиот мултимедијален уметник Рено Рулман, а во рамки на претставувањето на учесниците за претстојното Биенале на цртеж Скопје 2020 на Остен.

„Циклусот „Време е за чај“ е серија на цијанотипии, специфичен фотографски графички процес со кој се продуцираат цијано-сини графики. Како фотограф на аналогна фотографија, Рулман ќе се претстави со 30 цијанотипии – како омаж на оваа техника (1842 г.), преку кои ќе покаже како да се направат копии од растенија како хербариум. Се работи за мешавина од сликарство, фотографија и геометрија. Уметникот ќе изведе и музички перформанс со генерирање на музика од македонски цвеќиња на отворањето на изложбата“, стои во најавата на Остен.

Доколку преземете содржина од оваа страница, во целост сте се согласиле со нејзините Услови за користење.