Германија бележи рекорд во смртни случаи од ковид-19, 1.244 за еден ден

Германија во изминатите 24 часа го забележа најголемиот број на смртни случаи од коронавирус, соопшти денеска Институтот „Роберт Кох“, наведувајќи дека до полноќ биле потврдени уште 1.244 смртни случаи, со што вкупниот број на смртни случаи во земјата од почетокот на пандемијата изнесува 43.881.

Според податоците на институтот, изминатото деноноќие се потврдени и 25.164 нови случаи на инфекции.

Германските власти размислуваат за воведување многу построги ограничувања за да се запре постојаниот раст на бројот на инфекции во земјата.

Седумдневниот просек на нови случаи се зголеми во последните две недели од 23,36 нови случаи на 100.000 жители на 30 декември, на 26,03 нови случаи на 13 јануари.

Доколку преземете содржина од оваа страница, во целост сте се согласиле со нејзините Услови за користење.