Германија се подготвува да ги ублажи рестриктивните мерки

15

Германската Влада денеска треба да ја разгледа можноста за ублажување на мерките воведени во борбата против коронавирусот.

Официјални претставници тврдат дека затворањето на училиштата и многу фабрики, продавници и ресторани во текот на минатиот месец дало резултати во борбата против епидемијата и дека германските болници се добро опремени за лекување на пациенти заразени со коронавирус.

Меѓутоа, тие , исто така, предупредуваат дека е долг патот до целосна нормализација на животот во земјата.

Во Германија за денеска е најавен разговор меѓу канцеларката, Ангела Меркел, нејзиниот кабинет и гувернерите на сојузните држави за тоа дали мерките во борбата против епидемијата можат да бидат ублажени и на кој начин, доколку тоа е можно.

Од Институтот „Роберт Кох“ предупредуваат дека е се уште рано за ублажување на мерките и дека и натаму е висок секојдневниот број на новозаразени, иако полека доаѓа до забавување на ширењето на епидемијата.

Директорот на Институтот,. Лотар Вилер, наведе дека едно заразено лице во Германија заразува околу 1,2 други лица и дека тие сакаат оваа бројка да биде помала од еден.Тој апелираше до германските граѓани да бидат трпеливи и да продолжат да ги почитуваат мерките на социјално дистанцирање, пренесуваат британските медиуми.

Доколку преземете содржина од оваа страница, во целост сте се согласиле со нејзините Услови за користење.