Германија ја окупираа бордели

Во која мерка проституцијата во Германија се смета за легитимна професија сведочи и тoа дека изминатите години на невработените Германци, Бирото за вработување им нуди работа и во бордел.

Бројот на проститутки во Германија во изминатите 20 години се зголеми двојно. Моментно има околу 400 илјади. Годишниот промет од проституција во Германија е 16 милијарди евра.

Најголем дел од нив се од источноевропските земји, а на пазарот моментно доминираат мегабордели кои сексот го нудат во речиси индустриски размери. Во најново време, хит понуда е по принцип на шведска маса, за една единствена цена клиентот може да искористи колку што му дозволуваат можностите.

Дури и германските политичари кои на почетокот ја поддржуваа либерализацијата на проституцијата сметаат дека работата отишла малку подалеку и дека не може многу да се постигне додека европските земји имаат различни решенија.

Феминистката Алис Шварцер моментно води кампања законот за проституција да се змени и да се усвои шведскиот пристап, според кој на кривично гонење не подлежат проститутките туку клиентите.

Тој се покажал како ефикасен во сузбивање на проституцијата, па тешко е да се усвои во другите европски земји меѓу кои и Франција. Од тоа профитираат германските бордели во пограничните подрачја, бидејќи најстариот занает на светот е тешко да се искорени.

Кога пред 12 години беше изгласан законот, идејата беше жените да се спасат од експлоатација.

Доколку преземете содржина од оваа страница, во целост сте се согласиле со нејзините Услови за користење.