Педесет и осум отсто од регистрираните гласачи кои го поддржуваат Џо Бајден на претстојните претседателски избори велат дека нивниот мотив е повеќе да гласаат против претседателот Доналд Трамп отколку што е за да му дадат поддршка на Бајден. Тоа се резултати од анкетата на Волстрит Џурнал/ Ен-Би-Си Њуз.
Кампањата на Трамп долго време инсистираше на тоа дека поддржувачите на претседателот се далеку поинтузијастички од оние на Бајден и дека тоа ќе се манифестира со поголем одзив за време на изборите. Речиси три четвртини од поддржувачите на Трамп велат дека нивниот глас е повеќе за поддршка на претседателот отколку против Бајден.
Генерално, според анкетата на „Волстрит џурнал“ и „Ен-Би-Си Њуз“, Бајден одржува предност од 8 поени во просекот на националните анкети вклучително и предност од 50,41 отсто
Триесет и девет отсто од испитаниците рекле дека имаат позитивен став за новиот кандидат на Џо Бајден, сенаторката Камала Харис, додека 35 отсто изјавиле дека ја гледаат негативно.
Нејзиното нето одобрување е за +4 повисоко од онаа на потпретседателот Мајк Пенс (-5), Бајден (-6) и Трамп (-12).
Анкетата покажува дека Харис е попопуларна кај жените и гласачите што не се белци. Четириесет и пет отсто од двете групи рекоа дека гледаат на сенаторката позитивно, додека мажите и белите гласачи со помала веројатност имаат позитивен став за Харис – 32 отсто и 36 отсто, соодветно.
