Главниот уреденик на Телма: Изборите на 5 јули не се чаре за кризата, ќе гласат само оние кои не веруваат дека има Ковид-19

388

Директорот и главен и одговорен уредник на ТВ Телма, Атанас Кировски, вели дека треба да се бара некое чаре за излез од сегашната криза, но избори на 5 јули не може да бидат чаре. Во спротивно, ќе гласаат околу 30 проценти, односно оние кои не веруваат дека има Ковид-19, а тоа значи дека тие што размислуваат нормално нема да излезат на избори.

Своето размислување Кировски го објави на Фејсбук.

„Во моментов имаме математичка прогресија на пораст на инфицирани -денес бројката новоинфицирани ќе биде над 170!!! Оваа бројка е веќе тенденција на експоненцијален раст. Во такви услови мора државата да бара некое чаре -избори на 5 јули не може да бидат чаре. Во вакви услови одѕивот ќе биде под 30 проценти, а за иднината на државата ќе решаваат само оние што не веруваат дека има Ковид, што мислат дека сево ова е некаков заговор заради 5Г технологија, дека не прскаат со алуминиум и сл…. Мора да се овозоможи изборен процес на кој својот глас би го дале и оние кои нормално размислуваат, а тие во вакви услови сигурно нема да излезат на гласачко место и да си го ризикуваат здравјето. Значи брзо некаков план Б – бидејќи планот А дефинитивно пропаѓа од сите аспекти. Не сакам да прогнозирам што не чека ако тераме со експоненцијален раст заразени….“, напиша Атанас Кировски.

Доколку преземете содржина од оваа страница, во целост сте се согласиле со нејзините Услови за користење.