Голден Стејт во водство во финалето на Западот

Бранителите на титулата во НБА лигата, кошаркарите на Голден Стејт Вориорс ноќта кон средата во Окленд во првиот натпревар од финалето на Западната конференција со 116:94 ги совладаа Портланд Трејл Блејзер со поведоа со 1-0 во серијата до четири победи.

Стефен Кари и Клеј Томпсон доминираа на паркетот со вкупно 12 „тројки“ и 62 коша. Кари мечот го заврши со 36 поени, од што девет „тројки“, а Томпсон со 26 коша, односни три погодока од зад линијата за три поена. Кај Портланд, пак, најдобар беше Демиен Лилард со 19 коша, а Си Џеј Калам додаде 17 поени.

Вориорс од почетокот беа во водство, а на почетокот од втората третина ја искористија серијата од 13:5 да ја зголемат предноста на девет поени од крајот на првата четвртина на 67:50.

Портланд, меѓутоа, не се предаваше, Родни Худ и Сет Кари постигнаа секој по „тројка“ во серијата од 11:4 со која заврши третата четвртина и ги приближи Трејл Блејзерс на заостанување од 71:77. Вориорс во последната делница имаа предност од 79:73 пред Кук да погоди две „тројки“ осигурувајќи на седум и пол минути пред крајот водство од 14 поени што беше недостижно за тимот од Портланд. Вориорс ги надиграа Портланд во поените постигнати од ударите за три поена со 51:21.

Вториот натпревар се игра во четврток, исто така, во Окленд.

Дуелот меѓу Голден Стејт и Портланд влезе во историјата на најсилната кошаркарска лига на светот, бидејќи првпат двајцата браќа – Стефен Кари и неговиот помлад брат Сет Кари се соочија еден наспроти друг во оваа фаза од сезоната.

Доколку преземете содржина од оваа страница, во целост сте се согласиле со нејзините Услови за користење.