Грција носи мерки од над милијарда евра за поддршка на средната класа

Мерки во вкупен изност од 1,1 милијарди евра со коишто ќе бидат опфатени 3,2 милиони граѓани од ранливите категории, но и домаќинства со приходи до 30.000 евра годишно, обајви во средата грчкиот премиер Кирјакос Мицотакис во неговото телевизиско орбаќање.

Мицотакис рече дека станува збор за мерки насочени кон најслабата и средната класа, а министрите за финансии, енергија и земјоделство, во четврток детално ќе ја претстават тримесечната програма на Владата за поддршка на граѓаните.

„Прилагодувањата ги покриваат сите фронтови на поскапувањата: стимулирање на приходите со вонреден додаток за оние со ниски примања и ниски пензии. Поддршка на семејства со деца, кои сега имаат најмногу трошоци. Храбрата субвенција на сметките за струја. Но и делумната апсорпција на зголемувањата на цените на горивата со покривање 180 литри за возилата. А се комбинираат со посебните грижи за земјоделците и малите и средни претпријатија, кои се особено погодени од зголемувањето на електричната енергија“, рече Мицотакис.

Објасни дека мерките „им служат на два принципи“: не важат за сите, туку се насочени со посебен акцент на поддршката на најслабите и се усогласени со претпазливата фискална политика на Владата, односно „мерки измерени според реалноста“.

Грчкиот премиер, со оглед на тоа дека е позитивен на Ковид-19 и од завчера е во изолација, на граѓаните им се обрати од неговиот дом.

Доколку преземете содржина од оваа страница, во целост сте се согласиле со нејзините Услови за користење.