Грета Тунберг ќе биде водителка на емисија на Би-Би-Си на Божик

43

Младата шведска активистка за климата, Грета Тунберг, ќе биде гостин-водител на британското радио Би-Би-Си во текот на божиќните празници.

Традиционално, Би-Би-Си во текот на празникот ангажира познати личности да ја водат нивната радиска програма, а младата Швеѓанка (16) ќе биде една од петте годинешни водители.

Таа ќе разговара со водечките светски борци и активисти против климатските промени, меѓу останатите и за ситуацијата на Антарктикот и Замбија, а ќе бидат емитувани и бројни извештаи од целиот свет за радио Би-Би-Си.

Таа, исто така, ќе има интревју со гувернерот на Англиската банка, Марк Корни, се додава во соопштението на британскиот јавен сервис.

Доколку преземете содржина од оваа страница, во целост сте се согласиле со нејзините Услови за користење.