Груевски се сретна со шефот на унгарската дипломатија Сијарто

Претседателот на ВМРО-ДПМНЕ, Никола Груевски, заедно со членот на извршниот комитет Владимир Ѓорчев во понеделникот вечерта остварија средба со министерот за надворешни работи на Унгарија, Петар Сијарто.

На средбата се разговарало за повеќе актуелни состојби поврзани со повеќе теми од општественото и политичко живеење, како и поддршка за остварувањето на стратешките интереси на Република Македонија.

„ВМРО-ДПМНЕ го поддржа зачленувањето во НАТО и ЕУ и како такво беше подготвена да учествува во реформскиот процес се до моментот кога владата на СДСМ ги помина сите линии со почнувањето на политичкиот прогон што го започна по доаѓањето на власт кој колуминираше со притвор на 6 пратеници за непостоечко дело тероризам. За жал, нема реформи, туку само континуирани ветувања дека ќе ги има“, се наведува во соопштението на партијата.

Претседателот на ВМРО-ДПМНЕ, Никола Груевски посочил дека во Република Македонија загрозени се основните слободи и права и дека ВМРО-ДПМНЕ, повеќе нејзини членови, како и истакнати општествени личности кои не се истомисленици со актуелната влада се мета на жесток политички притисок и прогон.

„Невини луѓе се наоѓаат во притвор, само затоа што слободно размислуваат и си ја сакаат и почитуваат сопствената држава и тоа преставува редок пример за една заробена држава во која наместо функционирање на правото и правната држава се носат одлуки под политички диктат“, посочил Груевски.

Во продолжение било истакнато дека „судството е уценето, а Специјалното јавно обвинителство, „а веќе и Основното јавно обвинителство функционираат како политички инструмент притоа целосно заобиколувајќи ги правните нормативи“.

На средбата претседателот Никола Груевски изразил загриженост за европската мигрантска криза и ја посочи потребата од будно следење на состојбата и активни мерки со кои ќе се помогне во надминување на предизвиците.

Претседателот на ВМРО-ДПМНЕ, Никола Груевски изразил благодарност за поддршката на Унгарија во остварувањето на стратешките интереси на државата и дека останува потребата од целосна посветеност на владата за овозмозување на членство на Република Македонија во ЕУ и НАТО.

Доколку преземете содржина од оваа страница, во целост сте се согласиле со нејзините Услови за користење.