Гундоган не се пали на Јунајтед, Реал (М) и Баерн (М)

76

Не само што ги одби примамливите понуди на Реал (М), Манчестер Јунајтед и Баерн (М), кои му нудеа дупло поголема плата, репрезентативецот на Германија и фудбалер на Борусија од Дортмунд, Илкаи Гундоган потврди дека веќе го потпишал новиот договор кој го обврзува да остане на “Сигнал Идуна Парк” до 2016 година.

„Многу сум среќен и благодарен што мојот клуб ми даде шнаса да останам во Дортмунд и да бидам дел од овој специјален тим и да бидам дел од оваа специјална околина. Ќе дадам се од мене, ќе направам се што е во мојата моќ за да им помогнам на моите тимски колеги. Јас сум голем оптимист кога е во прашање новата клупска сезона”, изјави Гундоган.

Спортскиот директор на Борусија од Дортмунд, Михаел Цорк додаде дека Гундоган е на добар пат најпосле да се рехабилитира од незгодната повреда на грбот.

„Многу сме среќни поради потпишаниот договор. Ја продолживме соработката и покрај незгодната повреда на Гундоган. Сите се надеваме дека Илкаи ќе биде подготвен за игра на стартот од новата сезона”, изјави Цорк.

Доколку преземете содржина од оваа страница, во целост сте се согласиле со нејзините Услови за користење.