Гвардиола: Надал е најдобар шпански спортист во историјата

Легендарниот шпански фудбалски тренер Пеп Гвардиола ги нарече тенисерот Рафаел Надал најдобар шпански спортист во историјата.

Надал во неделата во финалето го совлада Норвежанецот Каспер Руд со 3-0 во сетови и со тоа ја освои својата 14. титула на Ролан Гарос, а вкупно 22-та на грен – слем турнирите.

– Без сомнение, нема расправа дека Рафа е најдобриот. Тешко е да се споредува индивидуален и екипен спорт. Шпанија имаше многу големи спортисти, но никој друг толку долговечен и конзистентен, изјави Гвардиола за шпанските новинари.

– Кариерата на Надал е тешко да се опише, тој едноставно не запира. Доколку ги надмине проблемите со стапалото верувам дека ќе продолжи да освојува трофеи, додаде тренерот на Манчестер сити.

Доколку преземете содржина од оваа страница, во целост сте се согласиле со нејзините Услови за користење.