Симона Халеп стана првата романска тенисерка која го освои турнирот во Вимлдон, откако во саботното финале одигра фантастичен натпревар со само три грешки и за само 55 минути со 6:2 и 6:2 ја совлада седумкратната вимблдонска победничка, Американската Серена Вилијамс.
Ова бепе нивен единаесетити дуел и само втора победа на 27-годишната Романка. За Симона Халеп ова беше петто финале на Грен-слем турнир и нејзина втора победат откако го освои пехарот на Сузан Ленглен во Ролан Гарос минатата 2018 година. Претходно Халеп двапати беше поразена во финалето во Париз, во 2014-та од Марија Шарапова и во 2017-та од Елена Остапенко, а еднаш на Отвореното првенство на Австралија во 2018-та од Каролина Возниацки.
Серена Вилијамс сѐ уште чека на својата 24-та Грен-слем титула во поединечна конкуренција, со што би се израмнила со апсолутната рекордерка, Австралијката Маргерет Курт. Вилијамс последната Грен-слем титула ја освои во 2017-та во Мелбурн. Ова е деветтиот пораз вкупно во натпреварити за Грен-слем трофеј, а веќе трето финале во кое е поразена по раѓањето на првата ќерка во септември 2017 година. Во Вимблдон беше победена од Анжелик Керберм, а на Јуес Опен од Јапонката Наоми Осака.
Халеп за триумфот на Вимблдон заработи 2,35 милиони финти, додека Серена Вилијамс мораше да се задоволи со 1.175.000 фунти.
