Хамбург домаќин на жрепката за ЕП 2024

Денеска во Хамбург во 18 часот ќе биде извршена жрепката за групите на Европското фудбалско првенство што ќе се одржи идното лето во Германија. УЕФА денеска ги објави и четирите садови според квалитетот на репрезентациите кои се квалификуваа на континенталниот турнир.

Според правилата на жрепката, домаќинот на првенството Германија го предводи првиот сад во кој се и останатите најквалитетни европски репрезентации како Португалија, Франција, Шпанија, Белгија и Англија.

Во вториот квалитативен сад се Унгарија, Турција, Романија, Данска, Австралија и Албанија. Потоа Холандија и Хрватска го предводат третиот сад заедно со Шкотска, Словенија, Словачка и Чешка.

Во најслабиот сад засега се познати само три репрезентации, а тоа се актуелниот бранител на трофејот Италија, потоа Србија и Швајцарија. Останатите три тима ќе бидат познати во месец март по завршувањето на плејоф натпреварите.

По жрепката ќе се формираат шест групи со по четири репрезентации. Првопласираните и вторите репрезентации од групата ќе се пласираат во нокаут фазата на Европското првенство, каде ќе им се приклучат и четирите најдобро третопласирани селекции.

Турнирот стартува на 14 јуни 2024 година и ќе трае точно еден месец. Ќе се игра во 10 германски градови, а финалето ќе биде на „Олимпискиот стадион“ во Берлин.

Доколку преземете содржина од оваа страница, во целост сте се согласиле со нејзините Услови за користење.