Хан: Западен Балкан припаѓа на Европа, напорите на земјите ќе бидат препознаени

23

Европскиот комесар за буџет и администрација, Јоханес Хан изјави дека Западен Балкан припаѓа на Европа и дека напорите на земјите во тој регион ќе бидат препознаени.

Тој за хрватски „Експрес“ рече дека интеграцијата на Западен Балкан во ЕУ е процес заснован на заслуги и дека како таков е во вистински интерес на ЕУ.

– Станува збор за „извоз на стабилност наместо увоз на нестабилност“ – рече Јоханес Хан, кој исто така е поранешен комесар за европска добрососедска политика и преговори за проширување.

Тој им порача на „пријателите од Балканот“ да продолжат со реформите на европскиот пат и дека овие напори ќе бидат препознаени.

Австриецот потсети дека минатиот месец ЕУ одлучи да ги отвори преговорите за пристапување со Албанија и Северна Македонија, и покрај кризата поради пандемијата од коронавирусот.

Тој додаде дека со репрограмирање на финансиските ресурси и дополнителни мерки, како што е укинување на забраната за извоз на медицински помагала, ЕУ јасно покажа дека Западен Балкан припаѓа на ЕУ.

Доколку преземете содржина од оваа страница, во целост сте се согласиле со нејзините Услови за користење.