Еден работник ангажиран на филмскиот сет Blade Runner загина за време на снимањето на филмот во Унгарија, кога дел од сценографијата се срушил врз него, пренесуваат светските медиуми.
Сите се погодени од оваа несреќа. Харисон Форд беше на сетот во моментот на несреќата, а само 10 минути пред сценографијата да се сруши врз несреќниот работник, тој разговараше со филмскиот тим, а меѓу нив беше и загинатиот работник, вели еден од очевидците што се затекнал на местото.
Инаку Форд веќе неколку дена престојува во Унгарија каде што се снима продолжението на култниот филм, а студиото Ориго објави денес дека ќе почне истрага за причините за несреќата.
