Хоти: Косово повторно се соочува со искушенија

30

Премиерот на Косово, Авдулах Хоти, денес во своето обраќање во врска со обвиненијата на Специјалниот суд, изјави дека Косово како и многу пати претходно, се соочува со искушенија.

-Неодамнешните настани што се резултат на потврда на обвиненијата, меѓу кои се претседателот Хашим Тачи, поранешните спикери на парламентот Јакуп Красниќи и Кадри Весеjли и пратеникот Реџеп Селими, ја доведоа земјата во искушение – рече Хоти.

Хоти додаде дека ја цени нивната позиција за соработка со судот во Хаг.

-Ја поздравувам нивната подготвеност, став и институционална култура, што докажува дека Косово верува во правда и се обединува со правдата без никакво двоумење. Како премиер и како граѓанин, да ги разгледаме нашите напори да ја постигнеме слободата што ја уживаме – рече Хоти.

Тој нагласи дека народот на Косово се вклучи во војната на Ослободителната војска на Косово нееднакви и целосно неповолни околности за воен отпор, за да се запре етничкото чистење на Косово.

-Во 1998-1999 година, светот гледаше геноцид врз народот на Косово – рече Хоти и се заблагодари на Соединетите Американски Држави и сите други земји, членки на НАТО, кои на Косово му помогнаа во најкритичните моменти од историја.

Доколку преземете содржина од оваа страница, во целост сте се согласиле со нејзините Услови за користење.