Неофицијално, бројот на новозаразени денеска е 3 300 лица
Вакцинацијата против ковид-19 во Хрватска најверојатно ќе започне на 4 јануари, изјави денеска епидемиологот Горанка Петровиќ и најави дека вакцините ќе пристигнат во земјата во првите денови од следната година.
Вакцините ќе бидат дистрибуирани до сите окружни институти за јавно здравје, и оттаму ќе бидат испратени каде што вакцинацијата е приоритет.
Тоа се домови за стари лица и изнемоштени лица, здравствени установи, болниците и одделенијата кои работат со пациенти со ковид, пренесува порталот „Индекс“.
Хрватска се соочува со голем пораст на заразени изминативе месеци. Вчера се регистрирани 2 360 нови случаи и 73 починати. Хрватските медиуми објавуваат неофицијално дека денеска бројот на нови случаи е 3 300. Во моментов на болничко лекување има 2 897 лица, од кои 304 се на респиратор.
Досега од почетокот на епидемијата во Хрватска има вкупно 21 861 заразен.
Доколку преземете содржина од оваа страница, во целост сте се согласиле со нејзините Услови за користење.