Лидерот на СДСМ, Зоран Заев пролета во 2017 година одговарајќи на новинарски прашања рече дека не бегаат од дебата за сите прашања, но дека според експертите коишто ги консултирале, воведување двојазичност на банкнотите и на униформите на армијата е противуставно.
Претходно тој тогаш истакна дека програмата на идната влада ќе се темели исклучиво на Уставот на Република Македонија и во интерес на зачувување на нејзината унитарност.
Но претходно во понеделникот министерот за внатрешни работи Агим Нухиу, од коалицискиот партнер во владата на СДСМ, на својот фејсбук профил објави дека се потпишани подзаконските акти за воведување на полициски униформи на кои ќе биде испишан и албанскиот јазик на симболите.
„Потпишавме нормативни акти за амблеми на полициските униформи на албански јазик (Сообраќајна полиција, гранична полиција, хеликоптерска полиција, одделенијата за специјални задачи…)!“, напиша Нухиу .
Нухиу го наследи Наќе Чулев на чело на МВР откако на овој му истече мандатот според договорот за техничка Влада, а претходно министер беше Оливер Спасовски. Тој беше министер и по изборите во декември 2016 пред да се формира новата Влада.
