Ние не треба да сме подобри од нив, ние не треба да сме просечни, ние мора да сме најдобри и историски најдобри од осамостојувањето од таа 1991 година до денеска, затоа што се плашам дека повеќе ќе немаме можности за грешките да ги корегираме во иднина, истакна во своето обраќање во Куманово во саботата челникот на ВМРО-ДПМНЕ, Христијан Мицкоски.
-Затоа драги кумановчани, драги пријатели идната влада која што ја предводи ВМРО-ДМНЕ мора да биде историски најдобра, мора да биде историски најдобра и ние мораме да се обврземе пред нашите сограѓани дека целата оваа емпатија, разочараност, демотивираност ќе исчезне. Ќе понудиме решенија кои што не ветувам дека ќе ги решат сите проблеми, тоа е невозможно бидејќи никој не може да ги реши сите проблеми, но можам да ветам многу работа, работа и само работа и онаа Черчиловата максима дека потребни ни се крв, пот и солзи за да успееме. А јас ви ветувам дека заедно ние ќе успееме. Па колку и да имаме такви кои што ќе го негираат колку и да имаме такви кои што ќе снимаат, преснимуваат, ќе гледаат и ќе прегледуваат, колку и да имаме такви кои ќе му слугуваат на Зоран Заев, ќе му слугуваат овде во Куманово на Максо, ќе му слугуваат на Оливер Спасовски, јас ви ветуваме дека завршуваат тие денови, бидејќи доаѓа Обновата за Македонија, а со тоа обновата доаѓаат подобри времиња и подобро утро и подобро и подостоинствено време за сите нас. Потребана ни е оваа навигација, потребно ни е да учиме од нашите сограѓани, потребно ни е да слушнеме и тоа што можеби сме го правеле и ние во минатото, а што било погрешно да го исправиме, тоа е вистински предизвик кога самокритиката вас ќе ве наведе на вистинскиот пат, да учиме од нашите грешки, но истовремено да се обидеме да дадеме се од себе. Мораме да дадеме се од себе грешките на СДСМ, грешките на Зоран Заев да ги корегираме, затоа што има грешки кои лесно се корегираат, но има грешки кои што многу потешко ќе ги корегираме од тоа што и тие самите мислат. Лесно е Зоран Заев да излезе на прес конференција и да каже таканаречените реформите даночниот систем кои што беа поврзани со новите даноци не го дадоа посакуваниот ефект и затоа ние ќе го одложиме решението. Ова не е политика купи ден продај. Ова не е политика која што се води пред избори за да се обидат да ги изманипулираат гласачите, да се обидат да ја изманипулираат волјата на граѓаните, нас ни се потребни луѓе кои што цврсто газат на нозе, нас ни се потребни луѓе кои што знаат како да подготват стратегија. Нас ни се потребни луѓе кои што имаат принципи кои што имаат факти, кои што имаат аргументи. Ние не можеме да си играме со грешките, а потоа да излеземе на прес конференција и да кажеме се извинуваме погрешивме. Ова не е детска игра, вели Мицкоски.
Додаде дека ова се сериозни времиња каде што се потребни сериозни луѓе. Нас ни се потребни луѓе кои што знаат кава стратегија да направат.
-Ја користам оваа прилика, еве овде од Куманово да го повикам Зоран Заев, да ја повикам владата прво што можат да направат е да ги вратат парите на граѓаните кои што им ги наплатија поради оваа погрешна политика изминатите 10 месеци. Тоа е доблесно. Тоа е најмалку што можете да направите. Арачот кој што го земавте од народот, од стопанството, бидејќи самите рековте дека не го постигнал ефектот оваа мерка и дека мерката била погрешна, тогаш вратете го назад веднаш, па можеби тие ќе имаат малку милост кон вас кога ќе ве следат на митинзите и на телевизија. Но, има политики кои што за жал со извинување не се решаваат. Политиката на слугување, политиката на свиткана кичма, со извини не се решава. Таму последиците се трајни, таму пече и боли во душата. И тоа го пече и го боли секој еден Македонец, секој еден граѓанин во оваа држава. Секое едно понижување, омаловажување, национално уништување кое што веќе трета година ни се случува ги пече и ги боли луѓето. Немој да мислите дека луѓето заборавија што направивте. Немој да мислите дека овде, во Куманово, се колневте во жицата. Се колневте во најмилото. Велевте дека, изгубени низ времето ќе талкате по семето и нема да го засрамите народот ваш. Дека нема да ги засрамите граѓаните. А што направивте? Направивте сосема спротивно. Ги пониживте, ги омаловаживте, распродадовте тоа што некој со години го, со крв и со глава го платил. Е за тоа нема бегање. После изборите, на 12 април нема бегање. Следува одговорност. Па колку и да праќате гласници да молат за милост. Ќе одговарате и за арамилукот, ќе одговарате и за криминалот, ќе одговарате и за корупцијата. А најмногу ќе одговарате затоа што национално го подведовте народот. Затоа што подвиткавте кичма, затоа што одлучивте да слугувате на туѓи интереси. Е за тоа јас ви ветувам дека ќе следува одговорност. Вистината ќе дојде после 12 април, па колку и да сте конфузни во вашите изјави, те ќе имало избори те ќе немало избори. Избори ќе има. На трети јануари имаме техничка Влада, а на 12-ти април 2020-тата победува обновата за Македонија. Ги пониживте и ги омаловаживте граѓаните на Македонија. Јас не го терав со сила Зоран Заев, да оди во Ресен и да ветува загарантиран откуп за земјоделците, повисоки субвенции. Самиот одеше и лажеше. Јас не го терав Зоран Заев и Љупчо Николовски, 2016-тата да појдат во Кочани, во Оризари, во Зрновци и во Чешоново-Облешево и да ветуваат загарантирани цени за оризовата арпа и за оризот 25 со 50 денари. Тој тоа го правеше, коленичеше за гласови, ги гледаше луѓето во очи исто како што сега повторно ќе отиде и ќе ги гледа во очи, и ќе ветува се и сешто. Уште бесмртност не ветил, друго се ветил. Јас не го терав Зоран Заев да оди по Тиквешијата, да им ветува на кавадарчани и на неготинчани, на луѓето од Демир Капија, од Росоман дека ќе имаат повисоки откупни цени за грозјето, за праските, за кајсиите, загарантиран откуп, повисоки субвенции. Јас не го терав, тоа тој го правеше. Пред избори ги лажеше луѓето. Ги гледаше во очи и ги лажеше, исто како што сега повторно ќе прави. Ќе оди, ќе ветува се и сешто, и ќе лаже за да ги сочува привилегиите. Зошто му се важни привилегиите? Затоа што знае дека после 12-ти април следува одговорност. Бега од одговорност. Знае колку криминал, колку арамилук, колку понижувања, колку срам донел во оваа држава. Затоа ќе лаже. Без круполи ќе лаже и ќе шета по плоштадите, по улиците. Ќе ветува се и сешто. Ќе го слушнете повторно оној примитивизам, мало сутра, познат од Прилеп што го кажуваше. Тоа е нивото. Дали ќе биде, мало сутра, или поинаку, подготви се за долга политичка пензија после 12-ти април 2020-тата. Подготви се за одговорност и ти и тие околу тебе, потенцира Мицкоски.
Мицкоски посочи дека никој од граѓаните и партиите не го терал премиерот Зоран Заев да ветува студентски градови, гаранција младинска, загарантирана иднина. Никој не го тераше да ги реди оние чевли пред Влада во таа 2015-2016, да ветува дека не само живот, туку и дека ќе ги враќа луѓето назад во Македонија. Самиот тој тоа го ветуваше. Гигледаше луѓето во очи, си подигруваше со човечката судбина, со неправдите за Смилковско. Си подигруваше со неправдите за Мартин Јанушев, за Мартин Нешковски. Ги лажеше луѓето. Ги гледаше во очи и ги лажеше. Им викаше дека он ја знаел вистината. Не. Он е само принцот на лагата и манипулацијата, за тие пусти фотелји и за тие пусти привилегии. Ништо друго не го интересира.
-Важно му е да раѓаат плантажите со марихуана. Ако е можно што побрзо таа марихуана да ја извезе од Македонија, да заработи некој милион на грбот на граѓаните. Важно му е како некој тендер плус да добијат луѓе блиски и дел од неговото семејство. Важно е камионите во РЕК Битола да копаат, важно е багерите на патот Радовиш-Струмица да врват. А што се однесува до другите патишта и авто патишта, нема ништо. Нему му е важно провизиите да летаат. Тоа е основната цел денеска на раководството на СДСМ предводено од Зоран Заев. Колку повеќе арамилук, колку повеќе грабај за да после 12-ти април има бегај. Таа е политиката која што денеска е секојдневие. Грабај, а после 12-ти април 2020-тата година, бегај. Е нема каде да се криете. Правдата ќе стигне. Никој од нас не го тераше Зоран Заев 2016-тата да шета по бизнисмените и да им ветува подобра бизнис клима, поддршка. А денеска го гледаме како тргни застани, те ќе ги зголеми те ќе ги намали даноците. Па, ние му велевме, немој ова да го правиш. Не ја уништувај свесно економијата, така ја уништуваш Македонија. Луѓето ќе избегаат од оваа држава, ќе се иселат и тоа малку што ќе остане ќе не може да го сервисира целото стопанство. И денеска го гледаме како шета и како вели погрешивме но не целосно, сега ми се потребни гласови за овие избори па затоа и ќе се извинам, нема проблем. Ама потоа во 2023-та повторно истиот репресивен данок, повторно истата чизма ќе ве гази. Ние ветуваме дека во првите 100 дена нема да го одложиме, туку ќе го вратиме рамниот данок и истиот ќе го намалиме за да може стопанството да дише, да вработува луѓе и да нуди перспектива за младите и на оние на кои што таа перспектива им е потребна. Ние не го теравме на докторите да им ветува сто илјади денари просек плата, да ветува реновирани клинички центри, да ветува реформи во здравството, а да донесе помор. Денеска редици се чекаат пред амбасадите, а луѓето кои што тамо чекаат се медицински лица, доктори, медицински персонал. Во градовите нема специјалисти, пола Македонија нема гинеколози, нема специјалисти, затоа што луѓето си отидоа, за елементарна здравствена услуга се патува по сто и повеќе километри, ете таа реформа ја донесе Зоран Заев. Кажете ми една болница која што ја реновираше, кажете ми еден кревет којшто го направи, но затоа пак не заборави да не убедува и да нуди бизниси по Европа за новиот Клинички центар од петстотини милиони евра кредит којшто вие ќе треба да го плаќате, а провизиите тие ќе ги делат меѓу себе. Тоа не заборави да го направи, ветуваше реформи во образованието, ги гледаше луѓето и ги лажеше, велеше дека ќе сме имале европско реформирано образование, ветуваше дека професорите ќе давале квалитетна наука, дека високото образование ќе имало еден универзитет во првите петстотини на Шангајската листа, видете денеска што се случува, ни во првите три илјади немаме. Училишта ни се затвараат затоа што нема ученици, затоа што си отидоа со нивните родители во туѓина. Помалку имаме ученици и во средното образование, паралелките ни се затвараат, шајка немаат заденато, а камо ли пак да зборуваме за нешто повеќе. Но, затоа пак ќе слушнете како ќе се градел трамвај во Скопје од сто милиони евра кредит, ама не бил трамвај, туку бил трамвај на гуми, на тркала. До кога, до кога ќе се слушаат вакви егзибиции, вакви недоследности? Јас ќе ви дадам одговор, 12 април браќа и сестри, драги кумановчани. Дванаесетти април 2020-тата лето Господово е денот кога треба да им ставиме заеднички крај на овие политички измамници, политички неранимајковци. Доаѓа казната и доаѓа правдината назад во Македонија, а потоа не чека работа, не чека масовна работа, мора да бидеме најдобри, не смееме да бидеме просечни, секако ќе бидеме подобри. Запаметете го ова, заедно сите мора да бидеме најдобри од историјата во 91-ва до денеска. Тоа е она за кое што ние ќе се бориме, последниот столб којшто е многу важен од нашата програма за следните предвремени парламентарни избори којшто секаде го споменувам. Покрај враќање на владеењето на правото, но не само декларативно, туку и оперативно, со мерки со политики, враќање назад на македонизмот. Македонизмот не како привилегија на македонскиот народ, туку македонизмот како дел од секој граѓанин во оваа држава. Сите тука сме се родиле, сите тука сме тагувале, сме се радувале и најмалку што и должиме овој пат да си го поставиме прашањето што можеме ние за неа да направиме, а не што може таа да направи за нас. Македонија е нашата татковина и мора да се избориме да ја вратиме нејзината гордост, достоинство, чесност и честитост заедно, рече Мицкоски.
Од Куманово порача и дека на земјата не и е потребна ниту антиквизација, уште помалку севернизација на нашата држава.
„Нас ни треба враќање на македонизмот, враќање на Македонија во македонците, тоа е она што нам ни треба и за тоа ќе се бориме, македонизација во Македонија, кај македонскиот народ и кај сите граѓани на Република Македонија“, заклучи Мицкоски.
-Ќе се гледаме повторно во деновите коишто следат, во месеците коишто следат со нашите активности, можеби ќе ви станеме и здодевни. Јас сум свесен апсолутно за предизвиците кои што се пред нас, месеци не делат и нема запирање. Мора масовна мобилизација на граѓаните, на народот во Македонија, заедно со коалицијата којашто ја преводи ВМРО-ДПМНЕ, затоа што нам не ни е потребна обична победа, нам ни е потребна победа којашто ќе спречи било каков постизборен инжињеринг, ќе ни е потребна победа којашто ќе ни даде комоција да бидеме најдобри, историски најдобри во политиките коишто ќе ги водиме, таква победа нас ни е важна. Затоа ве молам, од срце ве молам да се мобилизираме, да го пренесеме ехото на плоштадите, на улиците, кај нашите соседи, кај нашите колеги, роднини, дека доаѓа обновата на Македонија. После дванаесетти април лето Господово, 2020-тата, победува обновата на Македонија, победува народот заедно со Коалицијата предводена од ВМРО-ДПМНЕ. Заедно драги кумановчани да го поразиме овој трул систем којшто не притиска. Сите тие коишто ви викаат дека не можете не ја говорат вистината, тие се жртви на пропагандата на СДСМ и Зоран Заев. Можете, можеме, знаете, знаеме, умеете и умееме да победиме заеднички на дванаесетти април 2020-тата. Да сте здрави и живи! Да ни е вековита нашата мила Македонија! Да е вековито и вечно Куманово! Ви благодарам од срце, завршни на крајот Мицкоски.
Инаку Мицкоски сподели и свој Фејсбук статус од посетата во Куманово.
-Бев во Куманово, место со премногу проблеми, со многу нерешени прашања и апатија кај народот.
Колку и да има од тие од власта кои им слугуваат на Максо, Оливер и останатите кои сега мислат дека се недопирливи, треба да им се каже дека нивното време завршува, а народот добро знае што да одлучи. Народот добро знае што се ветуваа, и со што се се служеа за да ги задржат фотелјите. И наместо да се воозбилат Заев продолжува со неговото “купи ден помини”, и сега пред избори го одложува прогресивното оданочување, кое беше и остана неговата мерка за стопанството. А колку само ја бранеше оваа мерка, колку само викаше дека е оправдана, и колку само лаги ширеше кога му велев да не го прави тоа, а сега пред изборите вели дека било грешка, ама не се откажува целосно, туку само пред изборите зошто му требаат гласови, а после мисли дека ќе продолжи со истата чизма со која го гази народот. Но ова не е детска игра, ова се сериозни времиња. Извинувањата не поминуваат, треба да им ги вратат парите кои им ги наплатија на граѓаните од оваа мерка, и тоа треба да се врати до последниот цент. Политката на свиткана кичма и неговото извини не помага, тоа пече и боли. И затоа бегаат од избори, за 24 часа менуваат мислење, те ќе оделе, те немале да одат на избори, и не е во прашање НАТО, туку страв од пораз, човекот погледнал анкети кои покажуваат дека доаѓа времето за пензија на Заев, и нормално потоа одговорност за штетните и криминалните политки. Правда, работа и чесност е темелот на обновата на Македонија за која заедно ќе се избориме.
#ОбноваНаМакедонија, стои во неговиот пост на Фејсбук.
