Икарди останува во ПСЖ

15
Мауро Икарди, ПСЖ

Мауро Икарди сезоната ја игра како позајмен фудбалер во ПСЖ откако францускиот клуб му плати на Интер 13 милиони евра и доби можност да го откупи договорот за дополнителни 70 милиони евра.

ПСЖ беше задоволен од игрите на Икарди и одлучи да ја искористи можноста и да потпише перманентен договор со Аргентинецот но под услов Интер да ги намали барањата.

Како што пренесоа „Скај Спорт Итлаија“ и „Ле Паризиен“, преговорите напредуваа во изминатите 24 часа и договор конечно е постигнат.

Аргентинскиот „Оле“ пренесува дека трансферот на Икарди ќе изнесува 60 милиони евра, поточно ПСЖ ќе плати 50 милиони евра веднаш и дополнителни 10 милиони евра во бонуси.
Мауро Икарди оваа сезона одигра 31 натпревар за ПСЖ и постигна 20 гола.

Со овој договор конечно завршува сапуницата околу Маури Икарди и неговата иднина. Неговата сопруга и агент, Ванда Нара постојано изјавуваше дека дека Мауро ќе се врати во Интер и останатите две сезони од договорот ќе ги преседи на трибините бидејќи „нероаѕурите“ не сакаат да го продадат на најголемиот ривал, Јувентус.

Доколку преземете содржина од оваа страница, во целост сте се согласиле со нејзините Услови за користење.