Илјадници учители во Југоисточна Турција ќе добијат отказ под сомнение дека ја поддржуваат забранетата Курдска работничка партија (ПКК), изјави турскиот премиер Бинали Јилдирим.
– Ние оценуваме дека има околу 14.000 учители во тој реон, кои на некаков начин се поврзани со тероризмот, посочи Јилдирим.
Мерката за отпуштање на учителите во Југоисточна Турција уследи откако во петокот на 50.000 државни службеници им беа поделени откази во рамките на чистката против осомничените поддржувачи на движењето на Фетулах Ѓулен.
