Дополнитениот заменик министер во МВР од редовите на СДСМ, Славјанка Петровска, на 1 јуни отиде во самоизолација откако тестовите за корона вирус на Мухамед Зекири, потпретседател на СДСМ и Сања Лукаревска, директор на УЈП беа позитивни.
Но, денека таа држеше прес- конференција од Владата на која изјави дека ќе поднесе кривична постапка против лидерот на ВМРО-ДПМНЕ Христијан Мицкоски. Инаку, истата вечер по настанот, Мицкоски се извини и порача дека ќе ја палти казната, бидејќи седел во затворен дел од ресторан, што според новите мерки за коронавирусот, не е дозволено.
Еве го соопштението на СДСМ од 1 јуни прнесено од медиумите:
„По извршените тестирања потпретседателот Мухамед Зеќири и членката на ЦО, Сања Лукаревска имаат позитивен тест на Ковид-19.
„Согласно здравствените протоколи и заради превенција, во самоизолација се сите лица кои имале ризични контакти со нив, како Дамјан Манчевски, Мила Царовска, Марјан Забрчанец и Славјанка Петровска.
По напревените тестирања информираме дека потпретседателката Мила Царовска и потпретседателот Дамјан Манчевски имаат негативни резултати, но остануваат во самоизолација согласно препораките.
СДСМ од почеток на пандемијата на дело покажува што е одговорно однесување, ги почитува сите протоколи, мерки и препораки за заштита на здравјето на секој поединец.
Во СДСМ состаноците и партиските активности се одржуваат согласно сите мерки за заштита, во големи простории, на соодветна дистанца, со заштитни маски и обезбедени средства за претходна и последователна лична дезинфекција.
Во седиштето на СДСМ обезбеден е протокол и услови за лична дезинфекција, поставени се соодветни средства за оваа намена секаде, се прави редовна дезинфекција на сите простории, се почитува физичката дистанца како и насоките за носење заштитна опрема како маска или марама.
Апелираме сите граѓани без исклучок да ги почитуваат мерките и задолженијата за спречување на ширење на заразата. Само на тој начин ќе го заштитиме личното, но и јавното здравје“!