Во текот на последното деноноќие Индија го мина Бразил по бројот на заразени со коронавирус и сега е на второто место во светот како најсилно зафатена земја од пандемијата, по САД, јавија светските агенции.
До овој момент во Индија се регистрирани 4.200.000 инфицирани лица, покажуваат најновите податоци на Министерството за здравство, во споредба со 4.120.000 во Бразил и 6.250.000 во САД.
Во Индија веќе има 71. 642 умрени лица од Ковид-19, што е помалку од починатите во Бразил и САД.
Многу експерти забележуваат дека Индија не тестира доволно луѓе и дека реалните бројки можеби се многу повисоки.
