Инфлацијата во ЕУ зaбележливо забавила во септември

Инфлацијата во Европската унија забележливо забавила во септември, по забавувањето на растот на цените во еврозоната благодарение на поевтината енергија, објави во средата Eurostat.

На ниво на ЕУ, годишната стапка на инфлација, мерена со хармонизираниот HICP индекс, кој овозможува споредба меѓу земјите-членки, во септември паднал на 4,9 отсто, од 5,9 отсто во претходниот месец.

Во еврозоната паднал од 5,2 на 4,3 отсто, ја потврди Eurostat проценката од крајот на септември.

На месечно ниво, цените во двете области пораснале за 0,3 отсто, по 0,5 отсто раст во август.

Инфлацијата во еврозоната во септември ја забавил и падот на енергенсите, за 4,6 отсто во однос на септември лани. Во август поевтини за 3,3 отсто.

Меѓу земјите од ЕУ кои не се дел од еврозоната, Унгарија забележала највисока стапка на инфлацијата во септември, од 12,2 отсто. Блиску до двоцифрена стапка на раст е и Романија, каде цените се зголемија за 9,2 отсто.

Во Чешка и Полска, двете водечки економии надвор од еврозоната, истиот показател бил 8,3 и 7,7 отсто, соодветно. Во еврозоната цените најмногу пораснале во Словачка, за 9,0 отсто.

Меѓу земјите кои не се членки на еврозоната, цените во Шведска пораснале најблаго, за 3,7 отсто. Во еврозоната најблаг раст забележала Данска, од 0,6 отсто, а Холандија се истакнува со благ пад на цените, за 0,3 отсто во однос на ланскиот септември, се наведува во извештајот на Eurostat.

Доколку преземете содржина од оваа страница, во целост сте се согласиле со нејзините Услови за користење.