Искршени вратите на објектот на Инфоцентарот на ЕУ и на Министерството за економија

456

Во скопската полиција рано утрото во петокот се пријавени два случаи на вандализам на официјални службени објекти во централното градско подрачје, едниот на Инфоцентарот на Европската унија а вториот на Министерството за економија и неговот службено возило

Во СВР Скопје ноќеска во 04,20 часот било пријавено дека на булеварот „свети Кирил и Методиј“, 22-годишниот Д.А. од Скопје со употреба на физичка сила извршил оштетување на две стаклени врати на објектот во кој то е сместен Инфоцентарот на Европска унија.

Од МВР информираат дека тој бил приведен во Полициската станица Центар и по целосно документирање на настанот против него ќе биде поднесена соодветна пријава.

Подоцна, околу 6,40 часот полициски службеник за внатрешно обезбедување на Министерството за економија пријавил дека предходно околу 4 часот на улицата „Јуриј Гагарин“ непознато лице ја искршил стаклената влезна врата на министерството.

Пријавено е и оштетување на ретровизорот на возило „поло“, паркирано пред зградата на министерството.

Од СВР соопштуваат дека се преземаат мерки за расчистување на случајот.

Доколку преземете содржина од оваа страница, во целост сте се согласиле со нејзините Услови за користење.